Dhunimi i dytë i Srebrenicës

Gjenocidi në Srebrenicë u krye nga nacionalistë fetarë serbë, me bekimin e kishës kristiane serbe. Viktimë ishte popullsia më sekulariste atëbotë në Europë, boshnjakët. Islamizmi falso i përkujtimeve të sotme e shtrembëron këtë të vërtetë historike, e përbën dhunim të dytë fetar mbi viktimat e një gjenocidi.

Dr Iljaz Pilav ishte 28 vjeç kur serbët hynë në Srebrenica. Ai kish shërbyer aty për muaj me radhë si mjek në kushte pothuaj jonjerëzore, një nga 5 doktorët e mbetur për mbi 50 mijë banorë të enklavës së rrethuar nga serbët.

«S’kishim instrumente, s’kishim anestetikë, s’kishim antibiotikë, s’kishim gjë prej gjëje», kujtohet …

Për përgjegjësinë e prindërve tanë

Pse more e kemi kaq zor të flasim për përgjegjësinë e prindërve tanë gjatë epokës totalitare?! A vërtet jemi aq bebe në tru, sa t’i shohim ende, edhe në moshë të shtyrë, prindërit tanë si totemë të pagabueshëm, a? Rritu more, të marrtë e mira të marrtë. Sa vjeç je? Rritu, e gjyko moralisht në mënyrë të pjekur!

Bibliotekat gjermane janë plot literaturë nga lëmi Vergangenheitsbewältigung, “ballafaqim me të kaluarën”, ku fëmijë të ish eprorëve e zyrtarëve lokalë nazistë intervistojnë prindërit e vet, shoshisin përgjegjësinë morale të tyre, analizojnë premisat etike të epokës. E bëjnë me respekt ndaj kushteve të …

Fjala dashuri

Ne që na pëlqen të shkruajmë poezi përmendim shpesh fjalën “dashuri” dhe tingëllojmë shpesh shuuumë romantikë. S’e kam fjalën për Charles Bukowskin dhe Enkeleda Ristanin, po për ne vdektarët e thjeshtë pra.

Por e vërteta është se poetëve s’u zihet besë. Do të më urrejnë për këto fjalë, ashtu siç urrehen nga esnafi magjistarët që zbulojnë mashtrimet. Por do ta them hapur, unë s’gënjej në kohën e lirë. Poetët e mëdhenj s’bien kurrë në dashuri me dikënd më fort se me artin e vet.

Në mbrojtje të poetëve, njësoj ndjejnë dhe të gjithë artistët e mëdhenj. Prozatorët, piktorët, valltarët, artistët …

Keq e ke, or Isë

Solidarizohem me të mbijetuarit në Kosovë që ndihen të fyer nga sharja “egërsira”, ajo na fyen të gjithëve, të madh e të vogël. I gjykoj njëherit shfaqjet e dhunës, e dëmtimet e pronës publike dhe private.

As prona publike, as ajo private, s’i përkasin “qeverisë” po neve qytetarëve. Thërras gjyqësorin të shqiptojë dënimet më të ashpra të mundshme për secilin që ngre dorën për ta prishur një protestë të denjë nënash e qytetarësh.

Zt Jabllanoviç duhet të shkojë, sa më shpejt, aq më mirë. Bashkë me të bën mirë të shkojë edhe kryeministri Isa Mustafa, përgjegjësia lypet nga lart poshtë.…

Heteronorma e patriarkatit

Patriarkati e ka religjion heteronormën, me trininë e shenjtë, martesën, familjen, fëmijët. Aty njeriu është funksion në shërbim të shtimit biologjik, jo qenie e lirë që lind për të përnjëmendësuar veten.

Burrave dhe grave — por posaçërisht grave! — që sfidojnë patriarkatin heteronormativ, zgjedhjet u stigmatizohen përmes mekanizmave klasikë, shpërfilljes, izolimit, përqeshjes. Nëse pozicionohesh hapur kundër patriarkatit, ta zëmë nëse sfidon hierarkinë burrnore në heteronormë, a nëse del hapur si lgbt apo feministe, ky proces mund të shkallëzojë edhe me kërcënime, e dhunë fizike. Ky është shkaku pse çdo vit numërojmë rregullisht me dhjetëra të vdekur nga dhuna patriarkale. Nuk …

Penj drite nga lëmshi i errësirës

Shikoj shumë veta në Facebook që ngulmojnë se ky s’qenka islami i vërtetë. Do të jetë çështje definicioni se ç’quajmë këtu “të vërtetë”, Muhamedi vetë luftoi e vrau njerëz për të forcuar e përhapur fenë e vet. Kjo është goxha relevante, meqë çdo musliman është i udhëzuar të ndjekë shembullin e Muhamedit, “njeriut të përsosur”.

Unë për vete s’guxoj të mendoj se e njoh islamin më mirë se Osama bin Laden, që e dinte kuranin përmendsh qysh fëmijë, apo imamët në al-Azhar të Kajros, apo udhëheqësit e lutjeve në xhaminë al Aksa në Jerusalem. Ata dallojnë në shumë aspekte, dihet …

Gëzuar Natën e Buzmit

Sot e nesër – vise të ndryshme kanë tradita të ndryshme – festohet një nga ditët më të mira të vitit, me origjinë nga adhurimet e lashta të natyrës, kur popujt antikë e kremtonin solsticin dimëror. Në Siujdhesën Ilirike, ishin gacat nga druri i bungut të djegur, buzmit, që simbolizonin rilindjen e ngadaltë të dritës jetëdhënëse. Ndaj dhe festa quhej Nata e Buzmit. Te fiset gjermane të Veriut të Europës, ku rriten më shumë pemë halore, të njëjtin rol e kishte pema e bredhit.

Romakët i festonin Saturnaliet në ditën e sotme. Në një perandori enorme që shtrihej nga Britania …