Bllogu

Letër e hapur: Urime për ditëlindje!

13 shkurt 2009 Seguin, Texas

I dashtun gjysh,

Po të shkruej me të falënderue për paret e pensionit tand qe m’i kishe çue përmes mikut tonë të përbashkët. Tash nuk mund të arsyetohem për mospunë pas gjithë këtij kujdesi që ke treguar ndaj meje. Prandaj, desha që me fjalë të shpreh falënderimin tim krahas urimeve të mia të përzemërta për ditëlindjen e dyfishtë të 17 shkurtit: Urime Ditëlindjen e 88-të, o gjysh! Urime ditëlindjen e parë të shtetit tonë!

Mbase unë nuk jam në gjendje të kujtoj rëndësinë e kësaj ditëlindjeje. Por, jeta jote, me sa e sa ditëlindje pafestuar, …

100-vjetori i të përditshmes së parë shqiptare

Seguin, Texas — Në vigjilje të kremtes së parë të pavarësisë së Kosovës, janë ngushtuar ledhoret e gazetave për t’i lënë vend hatrit të secilit që mëton të hedhë në letër pikëpamjen e vet për 17 shkurtin. Dhe kjo është punë e paqme. Veçse nuk do të doja që të harrohet përvjetori i një ngjarje tjetër, që i parapriu në kohë, por edhe në rrugë Republikës së Kosovës. Më 15 shkurt 1909, doli për herë të parë nga shtypi gazeta «Dielli» e shqiptarëve të Amerikës, nën udhëheqjen e madhështorit Fan Stilian Noli. Pavarësia e Kosovës është përmbushje dhe zgjerim i …

Festë para kremtes

« Martin Luther Kingu i çliroi të gjithë, jo vetëm afro-amerikanët. » — Barbara Ewing, veprimtare amerikane e arsimit

E hënë, 19 janar, Seguin, Texas — Një renditje jo fort e qëlluar e fjalëve në mediet shqiptare i ka dhënë Barack Hussein Obamës një përparësi ndaj George W. Bushit. Ndonëse të dy ishin zgjedhur nga populli amerikan, Obama u quajt «presidenti i zgjedhur», kur në fakt bëhej fjalë për të zgjedhurin president/kryetar që po e merr këtë pozitë të njëzetën ditë të kallnorit.

Prej 24 vjetësh në Shtetet e Bashkuara, të hënën e tretë të janarit, kujtohet figura e Dr. …

(Nuk) shfletoj gazetën…

Seguin, Texas — Këtë të enjte më mbetën pa kryer shumë punë, por nuk mbeta pa lexuar gazetë. Nuk kisha kohë, mirëpo fotografia në ballinë e një rioshi basketbollist më bëri përshtypje. Ndërkaq, mësova edhe një arsye për ta lexuar gazetën atë ditë. Djaloshi quhej Elhad Emërllahu.

Sukseset e Elhadit në sport i kishin dhënë Kosovës hapësirë në njërën prej gazetave më të mëdha të Teksasit, «San Antonio Express-News». Së paku 200 mijë njerëz do ta kenë lexuar emrin e tij dhe—shumë syresh për herë të parë—do të kenë mësuar për Kosovën.

Tregimi jetësor i Elhadit dhe familjes së tij …

Huqe në të shprehur

Ata që thanë se nuk ka jashtëtokësorë, e thefshin qafën! RTK-ja na i shfaqi «xhirimet e objekteve jashtëtokësore». — Filan Fisteku

Washington, D.C. — Fjalët e emrat e shkruar e shqiptuar gabimisht janë bërë tashmë markë fabrike për të shprehurit shqip në Kosovë e më gjerë. Po flas këtu vetëm për rrethanat ku pretendohet të përdoret gjuha pa gabime. Ja dhjetë shembuj tronditës për të ilustruar gjendjen:

(1-3) Po të flasim drejt për veprimet e përfaqësuesve të popullit, druaj nëse janë njëmend duke promovuar PAQEN e lirinë. Ky koncept është ngatërruar me nocionin e ri «paqë», ndërsa disa të tjerë …

Himni i Kosovës: Me apo pa tekst

Seguin, Texas — Kur Shqipëria nisi rrugën e saj si shtet i pavarur më 1912, “Rreth flamurit të përbashkuar” qe kënga atdhetare, që gdhendur fort mbi ndjenjat e popullit u imponua edhe në përzgjedhje zyrtare të himnit kombëtar. Ndonëse u dyshua në origjinalitetit e tekstit të Asdrenit—i cili fundja edhe i ngjason shumë atij rumun—si dhe u përçmua ideja e adoptimit të një marshi të huaj për himn kombëtar, përpjekje për të zgjedhur një himn të ri të pranueshëm kishin dështuar gjatë ekzistencën së shtetit shqiptar. Më 1998, me kushtetutën e re demokratike të Shqipërisë, Himni ynë i Flamurit u …

Sistemi qeverisës: Parlamentarizmi, provë që nuk na duhet

Prishtinë — Sot partitë politike të Kosovës, në prag të hartimit të kushtetutës së re për shtetin e pavarur, nuk ngurrojnë të flasin në favor të një sistemi të qeverisjes, ndonëse preferencat e tyre u përshtaten më shumë ngritjes së mundësive për partinë përkatëse e jo ngritjes së mundësisë për qeverisje më efikase në Kosovë. Prej sistemeve që janë përmendur janë ai parlamentar, i zbatuar për momentin, dhe ai gjysmë-presidencial, i dikurshmi i Republikës së Kosovës, dhe i djeshmi e i sotmi i Republikës Franceze, Rumanisë e disa shteteve tjera.

Të gjykojmë drejt! Kosova provoi të dy sistemet e propozuara. …