Në nji foto të vjetër

Unë e Bendida, n’lule të rinisë me gishta përpjetë, n’kërkim të lirisë pak nër blic t’shkrepun        prej dostit syretxhí pak nën dritë të Hanës        që rrezojke përmí por shum të pakalitun        në shtigje t’gjuetisë n’nji rrugë t’lagjes Dardania        n’Prishtinë të Dardanisë më 2 janar 2008, viti 0 i pamvarsisë viti 2400 i mbretit tonë Bardhyl me flokë t’lame e t’krehme        por pa gell e pa dyll…

Shota e Bahrija

(përshtatje e kangës amerikane bluz «Betty an’ Dupree» e messhek. XX)

Mlidhnu rrotull shokë, t’ju kallxoj për Bacin Bahri Mlidhnu rrotull shokë, t’ju kallxoj për Bacin Bahri Edhe dashnoren e tijna, në vjetin 1901

Shotë emnin e kish, nji peslirsh tha p’e du Shotë emnin e kish, nji peslirsh tha p’e du Pa mahí, i tha Bahrija, t’i bâj gati krejt ça m’thu

Veç shtriju, Shotë pehri, kqyr t’nesrit ça po t’bjen I tha, shtriju, Shotë pehri, kqyr t’nesrit ça po t’bjen Nashta na nxeh di’lli, nashta dhe peslirshi t’vjen.

Shkoi n’shehër Bahrija, kobure t’nemcit n’dorë Shkoi n’shehër Bahrija, kobure …

Neutral ndaj statusit

Nji dost të moçëm e pashë, e pyeta, “A po më njeh?” “Eh, unë jam neutrallno. A nuk je kah e sheh?”

Shkova deri në bankë, me kqyrë për kredi: përgjigjja neutrallno për kerr e për shpi.

Dhe me gazën fola, për me vazhdue qiranë: “Neutrallno, ‘sha Zotin, xhevapin ta kam dhanë.”

Motrës beqareshë barku iu kish rritë; por krejt ish neutrallno, veç s’e kisha dijtë.

Të dashurën e veta, “Lali, a më do?” “S’mund zemëroj të tjerët,” tha, “jam neutrallno.”

(3 shtator 2013)…

Habanera e Carmenit

Arie «L’amour est un oiseau rebelle» (Dashuria është zok rreban), e njohur shkurt si Habanera, nga opera Carmen (1875) e Georges Bizetsë:

Dashuria është zok rreban që askush s’mund ta zbusë dot, kot e ke po e ftove pranë, do të bëjë shpirti ç’i thotë.

Lutja s’bën, kërcënimi s’vlen, njëri flet shumë, tjetri zë s’nxjerr: e mua ky tjetri më pëlqen, gjë s’ka thënë, por zemrën ma ther.

Dashur—Dashuria! Dashur—Dashuria!

Dashurinë ciganët mbrunë, si cull i tyre rendin përqesh; ti mos më duaj, të dua unë. E po të desha, drojë të më kesh!

Zogu që the se kishe zënë …

Ditëlindja e Shkrelit

Me 10 shkurt 1938, në Shkrel të Rugovës, leu poeti Azem Shkreli. Për poetë si Shkreli duhet kujtue vetëm datëlindja, sepse shkrimtarë të tillë nuk vdesin kurrë…

Qe një poezi nga Azem Shkreli:

Çka mësova unë

(kangë gegnisht)

Me u ra tërthoreve në trup Me ndie andjet tue lehë Me ra mbas xixave n’pup Me u ndejtë dhimbjeve n’teh Me shkel prajshem n’për tokë N’venë t’fjalëve mos me u deh’ Me i ndreqë muret me kokë Me thanë fat kobi ku je Mos me dashtë ngushëllim Me folë pa hile me mikun M’u varë n’çengelin tem Me ndezë kandila të …

Urimet e Harushës

Kët të hanë, më 8 shkurt 2016, i bjen Viti i Ri Kinez. Ta kremtojmë me vargjet e Mark Krasniqit:

Harusha e unshme n’telegram t’vet bletën e vogël e përshëndet:

«Ditën e natën po e kaloj n’gjum n’kët shpellë të gurit me andrra shum. Ty bletë e dashtun t’kujtoj gjithnji, — t’dërgoj urime për kët Vjet t’ri dhe t’fala t’flakta me nji dëshirë — që me mjaltë hojet t’i mbushish mirë. S’po e çoj ma gjatë se edhe smunë jam — po më dhemb barku, s’mund t’mbahem n’kambë Porsa t’shtrëngohem te ti do t’vij m’e mbushë me mjaltë nji qyp …

Gegnishtja, grue në havale

Gegnishtja, shaje e nàle, bâ si grue n havale. E ngrata, vyshkë e thá, ká t drejta, qysh nuk ká? Ká t drejtë me vênue, kush pa e trazue: safish pênin për t kepë; sa trash brumin për petë; me e qirue a sitë pasulin; me pré a grí sapunin; për me lá lesh zhgûni; me u rrehë a hî nërfuni!

Por vêni i sáj âsht shpija, kû s un hîn jabanxhija, kû dera gjith kyçt rrin, kû drita për bire mrrîn: me rritë, me ushqye fmín, me rrogue për burrnim, mshefë si mini në skutë, tue gjallnue me tutë, …