Lujna, kcejna, e vallzojna
lajna, fshijna, e pastrojna
furça, çetka, e brusha n’dorë
sevdá, dashní, lubav, amor
Në dyqan, dugajë, shitore
plot klientë, konsumatore
myshterij e blersa vet
m’iu shërby, m’iu bâ hyzmet
Qaq knaqsí, ma fort lezet
zoti gazdë viket, bërtet
mall firmato, brend e firmë
kfalitet, cilsor, i mirë
Ká do ndalen n’arkë e n’kasë
fjalë me shtí, me futë e rrasë
llaf, biseda, e muhabete
tue qá halle, e tue kajtë derte
Lsho kupon, faturë, dëftesë
dembel spicë e plot pritesë
shkruj n’defter, shëno n’fletore
o n’veshbankë e ushtrimore
Ja n’daç mbáj bllok paragon
rend m’radhë, rresht i vargon
hana e re, mueji kërset
bân hesáp, kontab’litet
Llogarit, plus mblidh e shto
Zbrit e zhdryp, zdirgj e pako
Kadal avash, numro e njeh
Najsen t’mirë, kqyr a po sheh
Tash përzhit, fërgo, e pjek
Nër qitape e libra prek
me ujdisë, me shtellovatë
qaq sa t’mujsh, sa t’kísh takát
Taksë, haraç, porez, tatim
s’kanë iláç, hap, bár, mjekim
s’gjén heqim, mjek, e doktor
s’ká ma shtirë, e s’ká ma zor
Tash kujtow, nis me mendu
për gyrbet, n’mërgim me shku
ktu s’po t’éc, nuk po ta qet
guri i randë si shkamb po t’get
Veç fiqroe, peshoë, pleqnoë
çâshtjen, punën mbreht gjykoë
t’hidhet, t’teket, por nuk ká
vrap tembas mbrapa me ngá
Se t’merr malli, t’káp mërzia
t’káll, përvlon flakë nostalgjia
lýp pasul, bathë, e groshë
im e holl sìte me shoshë
Dëshirë n’paç, ti qefin ngoë
atje mirë â, s’thash që jó
por diqýsh, në njifar mnyre
s’shijon mazë, as pikë yndyre
Faj, gjynah, mkat seç ndijnë
pesvaktlij e kaurrë, qafirë
Lum e shyqyr, ti vet ke pshtu
por khá, ç’u bâ, e ç’u maru?
Çisto shqip, puro ‘lbaneze
dajë e ungj, emtë e teze
babë e atë, amë e nanë
veç ktu tok cok që i gján
Shkurtegëza për këtë postim: https://pli.si/2sJyDj6
