Porosi e shovinistit turk për shqiptarët në Turqi

Hapni veshët shqipe. Ndëgjoni mirë se çfarë thotë një Vojislav Šešelji i Turqisë — poeti i njohun İsmet Özeli, shovinist turk që vjen nga provinienca e mendimit islamik në Turqi.

Shih çfarë thotë në deklaratën e tij [0:08 – 0:50]:

Sido që të jetë, sot duhemi me e dijtë se ku jetojmë dhe kush jemi. Nëse ne nuk jemi turq, nëse thomi se “unë turk nuk jam por edhe unë kam të drejta në këto troje”, domethanë kështu i kemi vu nënshkrim gjithë sistemit të planeve botnore për fshimjen e Turqisë nga harta.

“Unë turk nuk jam”, fjala vjen — tash le të mos e përziejmë çashtjen kurde këtu — unë jam shqiptar, s’jam turk — jam shqiptar. Atëherë, vëllai jem, ti shtetin tand e ke, sikter prej këtu [theje qafën], shko. Po pra.

Pra, sipas İsmet Özelit, shqiptarët në Turqi që marrin guximin me u deklaru se janë shqiptarë, duhen me u dëbu në “vendin e tyne”. Shumë mirë. A vlen kjo edhe për turqit që janë pakica në Bullgari, Kosovë, Maqedoni, Greqi? E për emigrantët turq në Europë a vlen kjo?

Verbnia shoviniste asht gjithmonë agresive dhe pa ndonjë kriter të ndërsjellë. Të këtillët, me zgjidhje në dukje “të lehta” fashiste, janë ata që po i marrin në qafë kombe e popuj. Njerëz si ky faqezi që për vete mendojnë se kanë të drejta të pakufizueme dhe të tjerët duhen me pasë të drejta aq sa e lejon naltligësia e tij, e kanë ba dhe po e bajnë botën gjithnjë e ma pak njerëzore.

Nga

Agim Morina

Agim Morina

Gjuhëtar, artist, poet, dhe mësues shqiptar nga Prizreni. I mërguar në Londër prej viteve 1990. Përkrah Shqipen e Përbashkët me paskajore gege dhe me R-në toske.

Le përgjigje