Tastiera Plisi (krop)

Tastiera Plisi

Programi për tastierën jepet falas me shpresën se do të vyejë, por pa kurrfarë garancie.

Shkarko programin

Windows

OS X

Linux

Tastiera Plisi ver. 2010-10 për Linux

«Plisi D1», si variant i tastierës Plisi, vjen me shpërndarjet kryesore të Linuxit, përfshi Ubuntun 14.10.

Udhëzimet

Për pyetje dhe vërejtje, shkruaj koment më poshtë ose dërgona postel në tastiera@plisi.org.

Tastiera Plisi: shestimi në përgjithësi

Tastiera Plisi: Shestimi në përgjithësi

Tastiera Plisi për Windows

Tastiera Plisi: Shestimi për Windows

Shum shpejt do t’i kemi gati udhzimet e hollsishme me shkrim dhe video për instalimin dhe përdorimin e programit të tastierës.

Nga shtypi

Koha.net, “Një tastierë e re për gjuhën shqipe” (2014-02-19) <http://koha.net/?id=12&l=500>

  • Mefail

    Kontribut shumë i çmueshëm. Sapo e instalova tastierën dhe po punon shumë mirë. Ju faleminderit shumë.

  • freskim musliu

    Tastiera e mirë, t’lumtë. Veç e kom nji propozim t’vogël. A kish ba shkronjën w me e zavendsu me ë, tu e marrë parasyshë që n’t’shkrumen shqipe w-ja nuk përdoret, plus u ba si shprehi që n’shkrime t’gjata n’word sidomos, me u përdorë w-ja n’ven t’ë-s, tani n’fund me i zavendsu. Suksese :)

    • http://www.plisi.al/ Getoar Mjeku

      Faleminderit, Freskim.

      I kam pasë përgaditë ma parë edhe do shestime të tastierës (Plisi 1W dhe Plisi 2W) që e zavendësojshin W-në me Ë. Për me nxjerrë W-në pastaj u deshte me shtypë AltGr (Alti i djathtë) + Ë. Këto shestime ke mujtë me i shkarkue n’adresën e vjetër Plisi.al, por kët verë patëm nji fakteqsi teknologjike që pak a shum e shkatrroi krejt sajtin. Këtu po i bashkangjes vetëm pamjet e shestimeve.

      Megjithate, qasja e tyne duket paksa e koklavitun, ndërkohë që ka shum përdorues të rrjetit që ende shkruejnë “www.” para nji adrese. Po ashtu, ka shum të tjerë që e përdorin W-në për me qasë Wikipedinë e sajte tjera me randësi ose me shkrue emna të huej. Prandaj, si zgjidhjen ma të përshtatshme e kam pa shtestimin e tashëm Plisi (trashigimtar i shestimit Plisi D, që përfshinte variantet D1 dhe D2). Si kriter kam pasë me krye punën me ma së paku ndryshime prej tastierës amerikane, por me nji radhitje germash që i flen gjuhës shqipe.

      Nëse don me krijue vetë nji shestim tastiere, kërkoji programet “Microsoft Keyboard Layout Creator” për Windows ose “Ukelele” për Mac. Janë falas. Për Linux duhet me redaktue kodin vetë.

      Të fala, — GM

  • Opinionisti (Calm Down)

    Përshëndetje!

    A mundesh me tregu se a mundem me zëvendësu shenjën e kllapes ] me ë që mos ta eliminoj shenjën pikepresje ( ; ) dhe apostrof?

    A mundem cilëndo shenjë në tatsierë t’i zëvendësoj me këto dy shkronja? Unë dëshiroj që vetëm këto dy shenja [ ] ti zëvendësoj me ç dhe ë.

    Nëse po, më trego si duhet ju lutem.

    Faleminderit për mirëkuptim!

    • http://www.plisi.al/ Getoar Mjeku

      Tungjatjeta! Në shestimin Plisi pikpresjen mundesh me nxjerrë tue shtypë “Shift+presje,” dhe dypikat me “Shift+pikë.” Shih skicën ma sipër.

      Në kët drejtim, Plisi ndjek shembullin e tastierës gjermane dhe tastierës zyrtare për gjuhën shqipe. Arsyeja asht me liru hapsinë për germën Ë në rreshtin e dytë/mesëm të germave. Kur shkronjat ma të përdoruna ndodhen në rreshtin e mesëm, tastiera bahet ma ergonomike. Me fjalë tjera, asht ma e përshtatshme për dorën dhe ka ma pak gjasë me shaktu lëndim afatgjatë.

      Unë i jam shmangë qëllimisht shestimit që e përshkrujte. Por nëse parapëlqen at radhitje të germave – që shum njerëz e përdorin qysh prej viteve ’80 – mundesh me e provu shestimin AS nga portali Gjuha Shqipe (http://bit.ly/1tBkFpl). (Por natyrisht, ky nuk vjen me karakteret shtesë që i ofron Plisi.)

      Po ashtu mundesh me kriju nji shestim të ri vetjak (personal). Për këte ke dy mundësi: me e shkru vetë kodin programues ose me përdorë nji program lehtësues. Për Windows unë e kam shfrytzu programin “Microsoft Keyboard Layout Creator” (http://bit.ly/1mXn64I). Kurse shestimin për OSX e kam përgaditë me “Ukelele” (http://bit.ly/1CusXcY).

      Nëse e përdor ndonjanin prej atyne programeve, nuk ke nevojë me e punu shestimin prej fillimit. Thjesht, vetëm e ngarkon shestimin Plisi ose ndonji tjetër dhe i ban ndryshimet që i dëshiron. Mundesh me i ra në fije edhe pa qenë programues.

      T’uroj punë të mbarë. Mos ngurro me më kontaktu nëse mundem me të ndihmu gja.