Nisa ditën si njâ ma mirë
me bukë nore e nji tas hirrë
nji copë djathë sjellë prej Postribe
nji qepë të re e dy ve bibe
Puna e mbarë më shkoftë si bletës
pa u ngushtue i urova vetes
e fërfullova nji lugë plot mjaltë
nga pjalm tërfili, ambli e zjarrtë
Nji mollë kompoti, s’un u durova
flegër-flegër hollë e coptova
por lëvores s’i dhashë trazim
sa punë shije, aq për ushqim
Seç stërpika mbi tryezë të vogël
nji shegë të madhe tek bana shkokël
kokërr-kokërr me lugë e mblodha
kapthit të fytit dhuratë ia hodha
Dhe tek m’i erdh shujtës mbarimi
mbi stufë vuna me vlue çaj blini
27 nandor 2013
Shkurtegëza për këtë postim: https://plisi.org/?p=5603