Ka vdekë Adem Demaçi, shkrimtari dhe revolucionari shqiptar i Kosovës që kaloi 28 vjet burg si i burgosur i ndërgjegjes. Demaçi e ka kundërshtu regjimin komunist jugosllav dhe ka besu në të drejtën e Kosovës për vetëvendosje.
Demaçi u burgos tri herë, duke vujtë dënim ma të gjatë se Nelson Mandela i Afrikës së Jugut. Më 1991, Parlamenti Evropian ia ndau Demaçit Çmimin Saharov për Liri të Mendimit, që ma parë i ishte dhënë Mandelës.
Veprimtari shqiptar udhëhoqi Këshillit për Mbrojtjen e Lirive dhe të Drejtave të Njeriut në vitet 1990, dhe ma vonë iu bashku Ushtrisë Çlirimtare të Kosovës si udhëheqës politik kur nisi lufta kundër Sërbisë më 1998. Pasi u kry lufta më 1999, ai mbështeti përpjekjet për pavarësi dhe demokratizim të vendit, duke mbajtë qëndrim të moderuar.
Demaçi vdiq sot në moshën 82. La pas dy fëmijë me emra të veçantë arbërorë: Abetaren dhe Shqiptarin.
Romani i Demaçit Gjarpijt e gjakut, i botuar më 1958, flet për gjakmarrjen mes shqiptarëve.
Shkurtegëza për këtë postim: https://plisi.org/?p=5182