Ka diçka që nuk shkon me fjalët vepra penale dhe i njejti (ose i njëjti).
Së pari, ajo që quhet vepra penale mund të jetë veprim dhe mosveprim (e vret dikend edhe tue mos i dhanë bukë kur e ke për detyrë). Kështu, kur thomë vepër, mendojmë shkelje (e ligjit).
Së dyti, mbiemnin penale, që ka rrajë të huej, nuk e kuptojnë njerëzit çka domethanë. Nëse mendojmë diçka me penale, mendojmë e ndëshkueshme? Pra, shkelje e ndëshkueshme!
Por kjo fjalë asht term arti, shprehje e fushës së caktueme dhe me kuptim të caktuem. Dhe për me e zavendësu, duhet me e ndërru ligjin, të paktën kodin penal, kodin e procedurës penale e akte të tjera.
Çka mujmë me ndërru që sot asht me heqë dorë prej zhargonit. Për dallim nga termat e artit, zhargoni asht thjesht fjalë a shprehje e nji fushe të caktueme, por që nuk ka ndonji vleftë të veçantë e që asht ngulitë ma fort pamendimthi si shprehi e keqe ose si përpjekje e vetëdijshme me shitë mend.
Qe, fjala i njejti/njëjti ja të ngatrron krejt, ja s’vyn kurrgja. Shih çfarë hutimi: «I pandehuri është paraqitë në gjykatë dhe i njëjti do të ankohet…»!
Në do vende mjafton me thanë «ai», «qai tipi», ose «qëky ilsan». Por shpesh qebesa, mjafton me e fshi «i njëjti» dhe mos me shtu send: I pandehuri është paraqitë në gjykatë dhe do të ankohet…!
Fol shkurt e shqip.
Shkurtegëza për këtë postim: http://pli.si/1PUE54E
